SYLVESTRES Populi

SYLVESTRES Populi

alias Vallium civitates, vulgo die drey Lander, Item, die drey Waldstadt, dicuntur vetustissimi tres Helvetiae pagi, Urii, Suitii et Underwaldii, quibus aliquando quartô locô Lucerna adnumeratur. Incolunt hi Alpinas valles, inter Rhaetos, Lepontios, et Viberos, ac partim Tigurino, partim Verbigeno Pago attributi sunt. Ab his lacus Silvanius der vier Waldstâdtensee appellatur, vide ibi. Alias nomine die Lander, sex pagi intelliguntur, qui vicatim habitant: ut sunt Uria, Suitia, Underwaldia, Tugium, Glarona et Abbatiscella. Vide Ios. Simlerum descript. Helvet.